Moarangkada na sugod karong adlawa Biyernes, Oktubre 29, ang COVID-19 vaccination rollout alang sa mga anaa sa Pediatric A3 Priority Group o mga edad 12-17 anyos nga dunay mga balatian.
Sa Davao City, ipahigayon kini sa mga pilii nga ospital nga gilangkuban sa Southern Philippines Medical Center, Metro Davao Medical and Research Center, ug Seamen’s Hospital.
Samtang sa ubang probinsya himoon kini sa Davao del Sur Provincial Hospital, Davao Regional Medical Center sa Tagum City, Davao de Oro Provincial Hospital, ug Davao Oriental Provincial Hospital.
Ang mga bakuna nga gamiton alang sa maong age group mao ang Pfizer-BioNTech ug Moderna vaccines human nga gihatagan og Emergency Use Authorization gikan sa Food and Drug Administration alang sa mga pediatric group.
Awhag sa Department of Health-XI sa mga ginikanan nga ipa-schedule ang mga anak sa mga accredited hospitals nga mupasiugda sa vaccination.
