LEGAZPI CITY – Mas pinakusog ngunyan kan Albay Provincial Veterinary Office an saindang pagbakuna kontra rabies sa mga ayam sa probinsya.
Makalihis ini kan haros magkakasunod na nairehistrong pagkagadan sa probinsya huli sa rabies.
Presenteng pigpapadagos kan opisina an pagbakuna ninda ki ayam sain man sa probinya kaibahan magin an mga dai nin tagsadiri o stray dogs.
Enot nang pinunan an pagbakuna kasabay kan pagkondusir kan contact tracing sa tabang kan Provincial Health Office sa mga barangay kan Bacacay asin Tabaco City kun sain nairehistro an mga pagkagadan.
Apwera kaini, padagos man sindang nakikipagkoordinar sa mga city sin municipal vets, asin nagtatao nin mga bakuna magin an iba pang mga kaipuhan katakod kaini.
