Isinangguni na ng Commission on Elections (Comelec) ang iminungkahing pagbabawal ng artificial intelligence (AI) at deepfake sa panahon ng halalan sa susunod na taon.
Kinumpirma ni Comelec Chairman George Erwin Garcia ang pagsangguni nito sa Committees on Digital Transformation at kontra fake news.
Muling iginiit ni Garcia ang kanyang posisyon na ipagbawal sa mga magiging kandidato na gumamit ng AI technology dahil maaring palalain lamang nito ang disinformation sa bansa tuwing eleksyon.
Naninindigan din ito na dapat makita ng mga botante ang tunay na pagkakakilanlan at imahe ng mga kandidato nang walang tulong sa teknolohiya.
