LEGAZPI CITY – Pinag-aandaman na kan lokal na gobyerno kan Camalig, Albay an pagbabalik kan selebrasyon nin Pinangat Festival makalihis na masuspendir nin apat na taon.
Saro sa mga pigtututukan an pagbilog nin mga bagong aktibidad asin an mga lakdang kun papano mas makakatabang an selebrasyon sa pagpapakusog asin pagpapauswag kan ekonomiya kan banwaan.
Mientrastanto, maabot sa P3,500,000 an pig-alokar na pondo sa bilog na festival para sa manlain-laing aktibidad na madurar nin duwang semana puon sa Hunyo 10-24 kan presenteng taon.
Kun magigirumduman, dai nadagos an pagsagibo kan selebrasyon kan mga nakalihis na taon nin huli sa pandemya asin Mayon eruption.
