Kanselado muna ang pagtuturok ng ikalawang dose ng sinovac vaccines bukas, July 23 para sa mga unang naturukan noong June 25 sa Olongapo City.
Ito ay sa kadahilanang walang natanggap na sinovac vaccines ang lungsod ngayong linggong ito mula sa Department of Health Region 3.
Ayon kay City Health Officer Dr. Doods Bustamante, nasa mahigit 390 ang dapat babakunahan ng second dose.
Sakali naman aniya na magkaroon ng suplay ay agad mag-aabiso ang CHO sa mga babakunahan para sa bagong schedule.
Humingi naman ng paumanhin at pang-unawa si Bustamante sa benipisyaryo dahil sa pagkaantala.//Jen Bayot-BNFM OLONGAPO
Photo Courtesy: Olongapo City Information Center
