Binalaaan ni Senate Minority Leader Koko Pimentel ang mga kapwa senador sa mga ginagawang pagtutuwid sa mga nakita umanong mali sa pinal na kopya ng Maharlika Investment Fund Bill.
Giit ni Pimentel, hindi na dapat binabago ang panukalang batas na pinal nang inaprubahan ng Senado at Kamara katulad ng MIF Bill.
Anuman aniyang pagbabago rito bago ipadala sa Malacanang ay maituturing na falcification.
Pahayag ito ni Pimentel kasunod ng pahayag ni Senate Majority Leader Joel Villanueva na may ginagawang perfecting amendments sa MIF Bill kaya hindi pa napapadala sa Malacanang para sa lagda ng Pangulo.
Sabi ni Villanueva, nililinis ng Senate secretariat at ng Kamara ang panukala mula sa mga typographical errors.//CA
