Mipagawas og pahayag si Cagayan de Oro City Mayor Oscar Moreno isip pagtubag sa mga pagsaway kalabot sa iyang nahimong desisyon nga i-veto ang usa ka ordinansa nga mag renew sa franchise alang sa pag operate sa cockpit arena niadtong bulan sa Enero ning tuiga.
Matud ni Mayor Moreno, gibuhat niya ang maong lakang aron mapugngan ang pagsaka sa kaso sa COVID-19 sa syudad.
Kini homan nasinatian sab sa syudad ang COVID-19 surge diin miabot gayud sa triple digit ang natalang kaso sulod lamang sa usa ka adlaw.
Gipahayag pa sa Mayor nga dili sab matago nga makonsiderang crowded area ang sabungan ug kasagaran sa mga sabungero ang anaa na sa taas ang pangidaron o mga senior citizen.
Normal sab matud pa ang pag-sininggita sa sabungan busa dili niini matugot nga ma-exposed ang tawo sa bahad sa virus.
Nasayran nga gihimo sa Mayor ang pahayag isip pagtubag sa usa ka facebook posts sa usa ka giingong sabungero nga nag ingong pakyas ang Mayor sa pagdepensa sa iyang pag veto sa renewal sa franchise sa Canitoan-Pagatpat Cockers Association alang sa pag operate sa Canitoan-Pagatpat cockpit arena.
Samtang, gisulayan sab sa Brigada News FM Cagayan de Oro nga kuhaon ang pahayag sa giingong sabungero nga nagpagawas sa iyang yangongo sa social media. END
