Balhug sa presohan ang usa ka empleyado sa CMO-Valencia LGU human nakuhaan og shabu sa gipaimplimentar nga search warrant diha sa Purok 8, Guinoyuran, Valencia City, Bukidnon.
Naila ang dinakpan nga si Candido Orong Jr., 24-anyos, adunay kapuyo, kinsa gikunsidera usab nga Top number 2 sa PDEA Watch list Provincial Level.
Nasikop ang suspek human gipaimplentar sa Valencia City police Station, PDEU ug RSOU10 10, ang search warrant nga giisyu ni Hon. Eldred Dongallo Cole, Presiding Judge, RTC 10th Judicial Region, Branch 45, Malaybalay City, Bukidnon alang sa kasong kalapasan sa RA 9165.
Atol sa operation, nakumpiska sa mga otoridad ang upat ka pakete sa gituohang shabu nga mutimbang sa 9.30 grams nga adunay estimated street value nga 63,240.00.pesos.
Lakip nakumpiska sa mga otoridad ang ug mga improvised bamboo sealer, mga lighter, steel magazine sa punto 45 nga armas ug mga basiyo sab ala.
Sa pagkakarun detenado na sa maong buhatang ang suspek alang sa tukmang disposasyon.
