GITUN-AN sa health authorities sa Soccsksargen kung naka-apekto ang minos nga pagpahigayon og testing sa mga laboratoryo sa pagkanaog sa average daily attack rate (ADAR) sa Covid-19.
Sa gipadalang datus ni Arjohn Gangoso, education and promotional officer Department of Health (DOH) 12 Center for Health Development. Nakalabay’ng 1-2 weeks nakatala og 4% ubos tandi sa milabay’ng 3-4 weeks nga dunay daily attack rate 9.68% matag 100,000 populasyon. Samtang sa advisory nga gipanaog sa DOH-12 atong Setyembre 22, nagpahimangno si Dr. Aristedis Tan, Regional director sa mga Epidemiology and Surveillance Unit (ESU) sa probinsiya ug siyudad sa paggamit usa og rapid antigen testing kits.
Human wala na pag-atiman sa mga testing sample Cotabato Regional and Medical Center Molecular Laboratory human naguba ang testing machine primary testing laboratory sa rehiyon. Ang pag-minos nga pag-test sa mga sample ang nabunga sa pagdaghan sa kinahanglang mag-test ug pagkatanggong sa paggula sa resulta.
Una nang, nagpaabot og reklamo ang pipila ka indibidwal nga naa sa isolation facility sa GenSan kalabut sa pagtanggong nila sa pasilidad sa paghulat sa resulta sa ilang RT-PCR test. Luyo sa pagkanaog sa ADAR, nagpahibilin sa kategoryang high-risk sa virus ang rehiyon kauban sa siyam ka rehiyon sa Pilipinas. (Richel Gubalani)
