HIMUON ang tanang legal nga pamaagi aron mapatambong sa pagdungog sa Blue Ribbon Committee sa Sangguniang Panlungsod ang mga opisyal sa LGU Gensan may kalabutan sa imbestigasyon sa 20 ka mga terminated project sa syudad.
Kini ang gipasidaan ni Kagawad Franklin Gacal Jr. human nasugdan na ang imbestigasyon sa minilyon ka pesos nga mga proyekto nga wala gihuman ug gibiyaan sa mga contractor.
Matud ni Gacal nga may memo nga gipagawas si Mayor Ronnel Rivera pinetsahan Setyembre 23 nga gamando sa mga department heads ug opisyal sa LGU nga gibawalan sa pagtambong sa pagdungog sa konseho sa 20 ka terminated projects nga walay pagtugot gikan kaniya.
Gihingusgan ni Gacal nga ilahang ipadayun ang imbestigasyon aron makahimo sila og balaod aron dili na subling mahitabo ang maong sitwasyon. Sa miaging pagdungog giangkon ni Gacal nga wala mipatim-aw ang giimbitahan nila nga mga department heads mao nga himuon usab daw sa SP ang tanan aron madayun ug may resulta ang imbestigasyon.
