NAKASUGOD na sa ilang pag inspection sa mga establisemento ang taga City Permit Division ug naga-isyu og Inspection Ticket sa mga may violation subay sa Revenue Code sa syudad sa Heneral Santos.
Sa paghinabi sa Brigada Patrollers kay Licensing Officer 4 Geraldine Zamora gikumperma niini nga nakasugod na sila sa ilang trabaho human sa Renewal Period mao na ang pag inspection kon asa nga establisemento sa mga naga operate ang nakalukat ug Business Permit ug ang walay permit.
Basi sa Inspection Ticket may i-fillup dinhi ang mag isyu nga petsa, oras, pemit number ug pangalan sa tag-iya, address, contact number ug ang nature of business.
Sa ubos adunay i-check kung unsay violation sama sa Operating without Business Permit Section 66 sa Revenue Code, Employing Persons without Working Permit Section 63, Transfer of Business Location without Permit, Non display of Permit ug ang False Statement in Application of Permit.
Sa pinaka-ubos mamahimo usab nga I check ang under protest o kaha admitted unya ang perma sa inspector.
Sumala kay Zamora nga sa may violation may 30 diyas nga palugit nga ginahatag aron mag-comply apan ang magmagahi mapugos sila sa pagrekomenda nga ipasarado sa pagtugot sa Mayor.
May gi-andam na usab sila nga tarpaulin nga may nakasulat nga Notice to the Public nga nagapahibalo nga ang usa ka pwesto gipasirado sa City Government gumikan sa kasupakan sa balaud ug ang pagtangtang sa pahibalo ground sa permanent closure sa establishment.
Tungod niini naga panawagan si Zamora sa mga negosyante nga wala pa nakakuha og Business Permit nga mokuha na sa City hall aron nga matabangan kay sayon ug mas dali na karon ang proseso.
Hinuon aminado kini nga adunay ubang area nga interesado apan may problemado gumikan sa ownership sa yuta. I Ver Diazon
