Naging madinaeag-on ro implementasyon it limited face-to-face classes makarung adlaw sa daywa ka pampublikong eskwelahan nga nadugang sa probinsya it Aklan.
Sa Banga Elementary School, naging maayos ro sitwasyun it unang adlaw it face to face classes ag makita man ro excitement sa mga unga.
Makita man sa kada classroom ro plastic barriers nga nakabutang sa mga pungkuan bilang proteksyon sa mga estudyante.
Naging maayos man ro unang adlaw it face-to-face classes sa Malinao Schools for Philippine Craftsmen (MSPC) sa banwa it Malinao, Aklan.
Ginpasaeamatan man it nasambit nga mga eskwelahan ro pakikipagbueoligan ag kooperasyon it tanan agud madinaeag-on nga maipatigayun ro Pilot Limited Face-to-face Classes. / ANN DESLENE SALAZAR
