LEGAZPI CITY – Pigtututukan ngunyan kan Camalig Municipal Environment and Natural Resources Office (MENRO) an mga posibleng interbensyon ngareg maibiteran an garbage pollution sa banwaan.
Segun sa opisina, mas papahiguton ninda an mga programang may kinaraman digdi ngareg maibetaran an problema asin mamantenir an kalinigan kan kapalibutan.
Parte kaini, nagsagibo an Municipal Solid Waste Management Board nin pag-orolay sa pag-monitor kan progreso kan lokal na gobyerno pag-abot sa pagigin sustainable asin zero-waste kan banwaan.
Tinawan-duon man ni Mayor Caloy Baldo na dapat pakusugon asin pakarayon an pagmamanehar kan Materials Recovery Facility para sa kamarayan kan kagabsan.
