BNFM BICOL – Lilimitaran na kan local na gobyerno kan syudad nin Legazpi an pag gamit kan mga class rooms sa mga pampublikong eskwelahan bilang evacuation center.
Sa sarong public post, sinabi ni Legazpi City Mayor Noel Rosal na sa ngunyan nag papadagos an konstruksyon kan duwang panibagong evacuation facilities sa Brgy Homapon kan naunambitan na syudad.
Segun kay Rosal, an lakdang preparasyon kan lokal na gobyerno enkaso man na igwa nin pag albotoro an Bulkan Mayon asin iba pang kalamidad.
Katakod kaini, tig lalaoman na madadagdagan pa an evacuation facilties sa syudad nin Legazpi sa masunod na taon.
