Pag-aspalto sa tinampo sa Pio Duran, Albay, saro sa mga pigtutukdong kawsa nin mga aksidente

LEGAZPI CITY – Sinabi kan Municipal Disaster Risk Reduction and Management Office (MDRRMO) kan Pio Duran, Albay na bako sana huli sa mga driver na may impluwensya nin arak an nagigin kawsa kan mga aksidente sa national highway sa saindang lugar.

Sa intrevista kan Brigada News FM Legazpi kay MDRRMO head Noel Ordoña, sinabi niya na huli man ini sa asphalting o pag-aspalto kan Department of Public Works and Highways (DPWH) sa tinampo na binubugtakan nin graba sa ibabaw.

Segun saiya, nagkapira nang mga aksidente an nairehistro asin iyo ini an pigrereklamo kan mga motorista. Hagad ni Ordoña, mabugtakan man lamang nin signages nganing makapagluway-luway asin makapag-antisipar an mga motorista o iba pang mabyarahe.

Leave a Reply

Your email address will not be published. Required fields are marked *