Bisan sa tunga it banta it COVID-19 pandemic, padayon nga ginasulong it Provincial Population Office (PPO) ro programa nga Responsible Parenthood and Family Planning (RPFP) sa probinsiya it Antique.
Ro mga population workers kaibahan it Barangay Service Point Officers (BSPOs) hay nagahiwat it ‘bahay-bahay strategy’ agud matur-an ro mga mag-asawa sa probinsiya angut sa tama nga family planning.
Base pa sa Population Officer it probinsiya nga si Mr. Primo Ogatis, bisan sa tunga it krisis bangud sa pandemya, magatudlo gihapon sanda sa mga mag-asawa nga gusto masayuran ro andnang adbokasiya sa family planning.
Ku nagtaliwan nga dag-on, nag-abot sa 6,043 ka mga mag-asawa ro nag-atender sa mga klase it RPFP.
Bukod sa mga programa it RPFP, nagahimo man ro PPO it mga programa para sa Adolescent Health Development, ag Kalalakihang Tapat sa Responsibilidad at Obligasyon sa Pamilya (KATROPA)./JIL B. LACSON
