Umabot ng P9.5 million pesos na halaga ng iligal na droga ang nasabat ng National Capital Region Police Office sa isang araw na ikinasang anti-illegal drugs operation.
Sa ulat ng NCRPO, sa 27 isinagawang operasyon mula July 12 hanggang ngayong araw July 13, nasa 1, 285.543 grams ng shabu ang nakumpiska, 2.5 grams ng Marijuana at 410 grams ng Kush.
Nagresulta rin ito sa pagkakaaresto ng 46 mga suspek.
Nahaharap na ngayon ang mga ito sa kasong paglabag sa RA 9165 o Comprehensive Dangerous Drugs Act of 2002.
