Mukabat sa kapin P8.7Million kantidad sa ismagul nga sigarilyo ang nababagan sa Task force Davao kauban ang Davao City Police Office ug Bureau of Customs XI alas-12:30 sa kadlawon, Huwebes, Mayo 23, 2024 sa Sirawan Entry Point, Brgy Sirawan, Toril District, ning dakbayan sa Davao.
Nakumpiska ang maong kontrabando sa posisyon nila ni Dante B. Cabasan, 26, nga taga- Brgy. Bonbon, Cagayan de Oro; ug Dennick Earl C. Flores, 33, nga residente sa Zone 7, Patag Target Range, Cagayan De Oro.
Sakay ang duha sa Forward Wing Van nga gimaneho ni Flores pasulod sa Davao City diin nakuha sa ilang posisyon ang 303 master cases sa smuggled Canon Menthol cigarettes, nga mubalor sa kinatibuk-ang Php 8,787,000.00.
Gidayeg ni Task Force Davao Commander Colonel Darren E. Comia ang tropa nga abtik ug sensero sa ilang trabaho aron nga maprotektahan ug walay makasulod nga mga illegal items o kontrabando sa syudad sa Davao.
Giturnover na ang mga dinakpan sa Toril Police Station ug Bureau of Customs XI alang sa pagpasaka og reklamo kalabotan sa paglapas sa RA No. 4712 kon an act amending certain sections of the Tariff and Customs Code of the Philippines (Smuggled Cigarettes).