MOKABAT sa 52 ka pakete sa gituohang shabu nga nagkantidad og P69,000 ang nakumpiska sa kapulisan gikan sa 19 katao. Dungan sa gihimong Simultaneous Anti- Criminality Law Operation (SACLEO) sa GenSan.
Sa rekord sa General Santos City Police Office (GSCPO) naa usab sa lima ka putos sa gidudahang marijuana ang naimbargo nga nagkantidad og P4, 650. Gawas sa anti- illegal drugs operation, mokabat usab sa 24 ka wanted person sa dakbayan ang nasikop asa ang pito laklip sa most wanted.
Naa usab sa pito katao ang nasikop human naaktohang nagsugal lakip ang tulo ka minor de edad. Nakumpiska usab ang siyam ka nagkadaiyang kalibre sa pusil nga rason sa pagkabalhog na karon sa selda sa pito ka indibidwal.
Pinangunahan ni Police Col. Gilberto Tuzon, director sa GSCPO tumong sa serye sa ilang operasyon. Ang mapugngan ang subling pagkahitabo sa pagpamusil sa GenSan, lakip buot nilang maundang ang illegal drug trade ug aktibidad sa iligal nga sugal.
Ang SACLEO ang matag bulan ginalusad sa kapulisan sa tibuok rehiyon. ( Richel Gubalani)
Photo GSCPOPressCorp
