MIKABAT sa P500-K ang damyos sa nasunog nga bangkang pamarilisan sa fishport sa GenSan. Sumala sa fire investigator sa Bureau of Fire Protection kon BFP nga si SFO1 Oliver Alfeche, adunay mga flammable materials sa bangka rason nga paspas midilaab ang kalayo ug naugdaw ang bangka.
Migawas sab sa imbestigasyon sa BFP nga aso gikan sa makina sa pakura ang usa sa mga hinungdan sa sunog.
Nasayran nga sa 12 ka pakura nga karga sa bangka, 3 niini ang nasalbar. Lakip sab sa mga nasunog ang 74 galloon sa gasolina, ug 86 galloon sa krudo, gasul ug sinako nga bugas.
Sa karon nakig-alayon na ang mga apektadong mananagat sa tag-iya sa bangka kung unsa ang mahimong plano aron sila ang matabangan human sa insidente. I Enamie Mogpon
–
