Natapos na ng ang proyektong Casili Flood Control ng Department of Public Works and Highways – Isabela Second District Engineering Office (DPWH-ISDEO) sa Brgy. Casili Mallig, Isabela.
Sa nakuhang impormasyon ng 92.9 Brigada News FM Cauayan, pinondohan ang nasabing proyekto ng 44 milyon pesos kung saan higit 1,000 residente ang makikinabang dito.
Ayon sa report ni OIC-District Engineer Jose Tobias, ang naturang flood control ay may 2 section at kabuoang haba na 743.60 linear meters.
Inihayag din ni Engr. Tobias, nakumpleto sa inilatag na time frame ang ang nasabing proyekto sa kabila ng nagpapatuloy na pandemya.
Layunin nitong mapigilan ang maaring pagguho ng lupa sa lugar upang maprotektahan ang mga residente rito.
Samantala, nakatulong ang naturang proyekto sa pagbibigay ng trabaho sa mga residente upang mapabuti ang kanilang hanapbuhay at makatulong sa ekonomiya ng lalawigan.
