Migahin ang Davao City Government og P36 million nga kantidad alang sa mga naapektuhan sa lapad nga baha sa Davao City kaniadtong milabay’ng semana.
Ang maong tabang pinanasyal, ipaagi sa Assistance to Individuals in Crisis Situation (AICS) ubos sa Department of Social Welfare and Development (DSWD) diin ang P25 milyon gigahin sa 3,000 slots sa Buhangin A District, 1,000 slots sa Buhangin B District, 2,000 slots sa Talomo A District ug 2,000 slots sa Talomo B District.
Giklaro sa LGU Davao nga kung ugaling dili makadawat sa ayuda, aduna matud pay 333 ka slots ang gigahin alang kanila.
Gawas niini, gikumpirma sab sa LGU Davao nga ang kwarta anaa sa DSWD XI samtang ang listahan na lamang sa benepisyaryo ang ihatag kanila. Anaa sa 12,000 ka mga pamilya ang nakadawat na og P3,000 nga cash assistance.
