NAGA CITY- Timbog sa buy bust operation ng Philippine Drug Enforcement Agency o PDEA Camarines Sur katuwang ang PNP Naga Police Station 6 at PDEA Camarines Norte ang ikinukunsiderang other High Value Target.
Kumagat sa pain ang target na si Cesar Novelo , 45-anyos ng Barangay Del Rosario Naga City. P700K sana ang unang usapan sa transaksyon sa parking area ng isang mall sa parehong Barangay ngunit 50-gramo lamang ang nabili ng pumosteng buyer.
Nagkakahalaga ang dalawang pakete ng item ng P340K.
Depensa ni Novelo, courier lamang siya.Hindi kaniya ang produkto, napag-utusan lamang.
Inihahanda na ang kasong paglabag sa Republic Act 9165 o Comprehensive Dangerous Drugs Act of 2002 laban kay Novelo habang patuloy na inaalam ng PDEA ang mga kasabwat nito.
