Iminungkahi ni re-elected Senator Sherwin Gatchalian na gawing P3,000 ang ayuda ng mga mga public utility vehicle (PUV) drivers sa loob ng 5 buwan.
Bunsod ito ng pagtaas ng presyo ng langis sa buong bansa kung saan maraming tsuper ang apektado at ang ilan sa kanila ay tumigil na sa pamamasada.
Ayon kay Gatchalian, expansion umano ito ng Pantawid Pasada kung saan papalo sa P4 billion ang magiging budget para dito.
Samantala, sinabi ng senador na aabot sa P150 billion ang mawawalang kita ng gobyerno kung aalisin ang excise tax sa mga produktong petrolyo. (ARGIE ERGINA)
