BNFM News Desk
KABANKALAN CITY, Negros Occidental — Lauman ang saka sa sweldo sa Western Visayas antis magtakop ang tuig 2024, suno sa Department of Labor and Emloyment (DOLE) -VI.
Suno kay Regional Tripartite Wages and Productivity Board chairperson (RTWPB) kag DOLE regional director Atty. Sixto Rodriguez, lauman sa Western Visayas ang pagsaka sang minimum wage sa mga pribado nga kompanya.
Sa ginpatigayon nga public hearing kaupod ang nagkalain-lain nga sektor sa syudad sang Iloilo sang Oktubre 10, naka-depende pa sa resulta sang mga public hearings nga patigayon sa nagkalain-lain naman nga probinsya sa rehiyon 6.
Pahayag ni Rodriguez, yara sa P40-P150 ang gina-proponer nga saka sang sweldo, apang indi naman magnubo sa P30 ang ipasaka sang iban nga pribado nga kompanya.
Ang gina-wangal sang mga empleyado sang mga pribado nga kumpanya ang tinuig na nga problema, kaupod ang problema sa pagsaka sang mga balaklon sa pungsod.
Dugang pa sang opisyal sang DOLE, kun matigayon ang pagpasaka sang sweldo, ini mahimo mapatuman pagkatapos sang Nobyembre 16, 2024. -BNFM Kabankalan
