Nakompiska ang gibanabanang moabot sa tunga sa kilo nga gituhoang shabu sa gipahigayon nga buy bust operation kagahapon sa alas 2:45 sa hapon didto sa Zone 2,Brgy.Looc,Dumaguete City.
Ang operasyon gipangunahan sa Philippine Drug Enforcement Agency (PDEA) Regional Office VII,Negros Oriental Provincial Office nga miresulta sa pagkasikop sa suspek nga si Evelyn Jimenez,63 anyos,tag-iya og sari-sari store nga residente sa nasangpit nga dapit,samtang ang kauban niini nga si Jovic Calibo nakaikyas og padayon pa karong gipangita.
Nasakmit nga mga ebidensya sa otoridad mao ang usa ka self-sealing transparent plastic nga gituhoang adunay sulod nga shabu,carbon paper,brown paper bag,eco-bag ug ang usa kalibo (1K) nga kwartang papel nga maoy gipaibabaw sa 3-milyones nga boodle money.
Ang 500 gramos nga droga adunay street value nga moabot ngadto sa 3.4 milyones ka pesos base sa Dangerous Drugs Board (DDB) value.///Ariel Morro Amistoso
