Makakabili ng 29 pesos na kada kilo ng bigas sa ilang KADIWA center sa Metro Manila.
Ayon sa Presidential Communications Office o PCO, mabibili ang mas murang bigas sa mga KADIWA stores sa ADC Building ng Department of Agriculture – Central Office sa Quezon City; KADIWA Center sa loob ng Bureau of Plant Industry sa Malate, Manila; KADIWA Store sa Llano Road Barangay 167, Caloocan City; KADIWA Store, AMVA Housing, La Mesa Street sa Barangay Ugong, Valenzuela City; at KADIWA Center sa PhilFIDA Compound, Aria Street, Talon Dos, Las Piñas City.
Ayon sa Department of Agriculture, makakabili ng hanggang limang kilong bigas ang kada household.
Inaasahan namang magpapatuloy ang pagbebenta ng 29 pesos na kada kilo ng bigas sa mga KADIWA stores, lalo pa’t may inaasahang 100 million kilos ng palay sa buwan ng Agosto ang National Irrigation Authority o NIA mula sa contract farming sa mga Farmers’ Cooperatives Associations.
