Pakyas mapalusot sa usa ka lalaki ang dala niining iligal nga droga sa Davao City Jail-Male Dormitory human kini nabisto sa dihang giinpeksyon sa mga personahe pasdo alas dos sa hapon kagahapon.
Ang mga droga gipangpaslak sa mga siling labuyo, humba ug adobong manok nga gilangkuban sa 25 elongated ug (10) rectangular sachets sa shabu ang narekober nga mokantidad og Php 256,000.00.
Suspek giila nga si RICHARD M. CAYBOT, 40 years old, nga residente sa Calinan, Davao City.
Sa report gikan sa Bureau of Jail Management and Penology Region XI, boot unta sa suspek nga ipahatag ang pagkaon nga iyang dala ngadto sa usa ka piniriso sa Male dormitory.
Apan nagduda ang searchers tungod sa nakita nga tibook Siling Labuyonga sahog hinungdan nga gisuta pag-ayo ug didto mitambad ang mga pakete sa shabu.
Gitanggong na karon sa Talomo Police Station ang suspek samtang giandam ang kasong ipasaka batok kaniya.BNFM-DAVAO
