Mokabat sa P228,000 nga kantidad sa suspected shabu ang nakompiska sa otoridad subay sa gihimong buy bust operation sa duha ka managlahing lugar dinhe sa siyudad sa Butuan.
Gibaligya kini nila Rolly Maturan, 21 anyos, ulitawo, kanhi drug surrenderee, nagpuyo sa P4, Brgy. Alubihid, lungsod sa Buenavista, Agusan del Norte ug Geofrey Barrios, 25 anyos, ulitawo, taga – P-10 Caimito Brgy. San Vicente, sakop ning siyudad.
Si Maturan nadakpan diha sa Purok 2, Brgy. Libertad kinsa nakuhaan og suspected shabu balor P118,000, marked money, ug cellphone.
Samtang si Barrios, nakuhaan og suspected shabu balor P110,000 ug marked money subay sa operisyong gihimo diha sa gipuy-ang lugar sa dinakpan.
Kasong paglapas sa Republic Act No. 9165 kun Comprehensive Dangerous Drugs Act of 2002 ang atubangon sa mga nahisgotan.
