LEGAZPI CITY – Aprubado na an P200M na loan kan Albay Electric Cooperative (ALECO) sa National Electrification Administration (NEA) sa isinagibong Annual General Membership Assembly (AGMA) 2024.
Segun sa kooperatiba, an nasambit loan, gagamiton para subuot ipambayad sa pigbabakal na supply nin kuryente sa Independent Market Operator of the Wholesale Electricity Spot Market (WESM).
Iba pa subuot ini sa itinaong kwarta kan sarong partylist sa Bicol sa nasambit na kooperatiba. An nasambit na itinaong pondo, gagamiton subuot sa pagpapagibo nin substation nganing mapakarhay an kuryente sa bilog Albay.
An nasambit man na loan sa NEA, dae man subuot tulos maitatao nin huli ta kinakaipohan na mag-agi pa sa proseso.
