LEGAZPI CITY – Nasa kamot na ngunyan kan mga otoridad an sarong lalaki na kaibahan sa listahan kan street level individual – watch listed personality, makalihis an sinagibong drug buy-bust operation sa Relocation Site, Barangay 23 – Imperial Court kan naunambitang syudad.
Binisto an suspek na si alyas Kano, 38 anyos asin residente kan Barangay 59 – Puro.
Sa operasyon na ikinondusir kan mga operatiba kan nasambit na hepatura, katuwang an Philippine Drug Enforcement Agency Albay, Legazpi asin Region 5, narekober sa suspek an sarong plastic sachet nin pinagtutubudang shabu asin saro pang plastic sachet kaini na nakua sa tuong parte kan bulsa na may kabilugang timbang na poko mas omenos 30 gramo asin nagkakantidad nin P200,000.
Sa ngunyan, nasa kustodiya ini kan pulisya para sa magkakanigong disposisyon.
