NAKUMPISKA sa LGU- GenSan ang milyon kantidad sa pork ug pork product sa gipakusgang kampanya batok sa African Swine Fever (ASF).
Matud ni Dr. Antonio Ephraim Marin, City Veterinary Officer sa kinatibuk-ang naa sa 9,985 kilos o P2.9 milyon kantidad sa produkto ang nakumpiska gikan Enero hangtud Nobyembre 30.
Sa mga checkpoint nga gimuntar nila sa mga entry points sa GenSan, ang pork product ang gisulayan og palusot sa dakbayan. Gibawal sa GenSan ang pagsulod sa buhing baboy, pork products gikan sa lugar nga dunay kumpirmadong kaso sa swine disease.
Ang tanang produkto ang gitugotang makasulod apan ipailawom kini sa hugot nga inspeksyon ug angayang kumpleto og dokumento. Kahibaloang nagmugna ang GenSan og City ASF Task Force tumong masiguro ang ASF –free status ug maprotektahan ang P2.5 hog industry.
Una nang, gipondohan ang bio-security measures sa dakbayan ugaling makasulod ang kaso sa ASF. I Richel Gubalani
