Muabot sa 6 ka tawo ang patay tungod sa paghapak sa bagyong Odette sa nagkadaiyang lugar sa Northern Mindanao.
Base sa report sa RDRRMC o Regional Disaster Risk Reduction and Management Council-10, gawas sa 6 ka tawo nga patay, aduna sab 3 nga samaran ug usa nga natalang missing.
Natala ang 6 ka tawo nga patay diin 3 niini gikan sa Misamis Oriental, 1 sa Bukidnon, 1 sa Misamis Occidental ug 1 sa Cagayan de Oro City.
Kasagaran sa mga namatay nagresulta sa pagkalumos, natumbahan sa kahoy, nahulugan sa bato, intracranial injury tungod sa external force ug ang usa gipaabot pa ang final diagnosis sa DOH.
Samtang sa natala nga samaran, 2 ang gikan sa San Fernando Bukidnon ug ang usa gikan sa Purok 4, Punta Santiago, Talisayan Misamis Oriental.
Missing sab ang usa ka 40 anyos nga lalaki nga taga Purok 13 Poblacion Valencia City Bukidnon homan kini naanod.
Nasayran nga nakaapekto ang bagyong Odette sa Northern Mindanao niadtong Desyembre 16 ning tuiga diin gideklara sab sa RDRRMC-10 nga red alert ang tibuok rehiyon. END
