NAIMBARGO sa military checkpoint sa Barangay Bawing, GenSan ang naa sa 1,700 reams sa gituohang ismagol nga sigarilyo.
Ang naa sa P19 milyon kantidad sa smuggled cigarettes ang nakita sulod sa tulo ka mini-van cargo trucks nakalabay’ng semana. Matud ni Col. Ruben Aquino, commander sa Joint Task Force GenSan, ang kontrabando ang nakumpiska sa mga sakop nga nag-mandu sa checkpoint.
Gikaengong gikan sa Palimbang, Sultan Kudarat ang kontrabando nga gituohang i-deliber na sa mga distributors sa GenSan.
Ang sigarilyo gikan sa Indonesia ug miabot sa nasud pinaagi sa baybayon sa probinsiya sa Sarangani ug Sultan Kudarat. Samtang, gimandu ni Police Brig. Gen. Jimili Macaraeg, regional director sa Police Regional Office (PRO) 12 ang imbestigasyon sa pagkatap sa ismagol nga sigarilyo sa rehiyon-12. Dungan sa taho nga dunay police personnels nga lambigit sa maong iligal nga aktibidad. I Richel Gubalani
