-Reymund Titong
KABANKALAN CITY, Negros Occidental — Labing una nga ‘international house’ sang Central Philippines State University (CPSU) igapatukod sa balor nga P9.1 million subong nga tuig.
Suno kay Dr. Aladino C. Moraca, presidente sang CPSU, ang pagtukod sang amo nga infrastraktura ang importante sa pag lab-ot sa tumong sang buluthuan nga maka-hatag sang kalidad nga edukasyon kag kaya makigsabayan sa iban nga mga buluthuan sa diin man nga bahin sang kalibutan.
Ginpatigayon ang groundbreaking ceremony sang Mayo 28, sa sulod mismo sang buluthuan sa Barangay Camingawan, sa syudad sang Kabankalan.
Ang CPSU ang nagaisahanon nga state university sa syudad, kag may yara siyam ka mga extension campuses kag duwa ka extension classes sa probinsya sang Negros Occidental.*