NAGA CITY- P10M ang ibibigay ng Department of Health Central Office sa Naga City para sa pagpapatayo ng Super Health Center 1.
Kasabay ng paggunita ng ika-124 na Araw ng Kalayaan nagkaroon ng Memorandum of Agreement Signing ang DOH at Lokal na pamahalaan ng Naga para sa naturang pasilidad sa maikiling programa sa Plaza 15 Martires.
Magkakaroon ng Birthing Facility, Consultation Center, Dental Center at iba pang kinakailangan na serbisyong-medikal para sa mamamayan. Ipinagpasalamat naman ito ng LGU Naga.
Bukod sa magiging bagong pasilidad, nagpapatuloy ang konstruksyon ng Naga City Hospital 2.
Kasabay din nito binigyan ng pagkilala ang mahigit 300 na miyembro ng Barangay Health Emergency Response Team (BHERT) na nagsilbi sa kasagsagan ng COVID-19 pandemic.
Samantala, bilang pagbibigay pa ng serbisyo may kaugnayan sa kalusugan at maging malaya sa mga karamdaman , magkaroon ng Mega Health Caravan sa Plaza Quezon, timing naman dahil linggo at holiday, tinangkilik ang programa.
