Nanindigan si Vice President Sara Duterte na ang mga developments hinggil sa hiling na budget ng Office of the Vice President (OVP) ay pawang bahagi ng mga pag-atake sa kaniya.
Sa isang video, sinabi ni Duterte na ang mga usapin ng ‘di umano’y planong pag-defund sa OVP; ‘o kahit ‘yung pagbibigay sa kanila ng piso na budget ay kapwa bahagi ng mga pag-atake sa kaniyang tanggapan.
Dahil dito, handa raw silang ipagpatuloy ang kanilang trabaho sa 2025 kahit na bigyan pa sila ng zero budget.
Kumpiyansa niyang sinabi na kayang-kaya nila magtrabaho kahit na wala silang pondo.
Kung maaalala – na-defer muli ang budget briefing ng OVP sa Kamara matapos nitong hindi sumipot kahapon.
