Hindi na raw bago kay Vice President Sara Duterte ang mga usapin ng impeachment laban sa kaniya.
Tahasan naman niyang pinangalanan si House Deputy Minority Leader, ACT Teachers party-list Rep. France Castro na lagi raw nasa gitna ng mga nilulutong pagpapatalsik laban sa kaniya.
Aniya, patuloy daw kasing idiniriin ni Castro na impeachable offense ang paggasta niya ng ilang pondo.
Sabi ni VP Sara, palagi rin namang napupuntirya ang bise presidente dahil sa posibilidad na palitan nito ang kasalukuyang Pangulo.
Nanindigan din siyang malinis ang ginawang spending ng kaniyang tanggapan, pati na rin sa DepEd noong siya pa ang Secretary.
