Nauli sa makangingidlis nga aksidente ro sambilog kunta nga outing it magpamilya halin sa Iloilo paadto kunta sa Kalibo Aklan.
Base sa inisyal nga imbestigasyon it mga otoridad, bumanggga ro ginasakyan nga kotse it mga biktima sa sambilog ka poste sa CAPSU Dumarao Brgy. Codingle Dumarao, Capiz.
Bangud sa madasig ro pagpamaneho, bumangga uman raya sa saeakyan nga nakapark sa aragyan ag nakasagasa pa it sambilog ka sapat nga nakahigot.
Insigida man nga ginrespondehan it mga otoridad ro nasambitan nga aksidente ag presente nga nagapabueong ro mga biktima sa ospital./JIL B. LACSON
