NAGHIMO og pamaagi ang pampublikong ospital sa GenSan tungod sa epekto sa nasinatiang ‘fuel crisis’ sa LGU. Matud ni Dr. Ryan Aplicador, labaw sa Dr. Jorge. P. Royeca Hospital (DJPRH) gigamit nila ang P25,000 ‘alternative funds aron masiguro nga makadagan ang ambulansiya sa ospital.
Kahibaluan ang nga ambulansiya mahinungdanon tungod mao kini ang mohatud o mokuha og nagsakit ug samaron sa ospital partikular ang mga emergency.
“Sa hospital we are using the alternative fund. Di kami pwede mawalan ng gasolina Sa ambulance,” pamahayag ni Aplicador.
Gawas sa ambulansiya, nagagamit usab og ‘fuel’ ang generator, kini ang mo-supply og kuryente sa mga pinili nga ekepo kung mawala ang main power.
Sa karon, adlaw- adlaw sila nag-follow up sa LGU alang sa ilang purchase order (P.O) alang sa gasolina. Ang nabal-an ni Dr. Aplicador, naghimo na og pamaagi ang LGU aron maresolba ang problema sa fuel crisis.
Una nang, gibutyag ni Alvin Veneracion, usa sa city hall executive assistant gilihok na nila ang pagpadugang og pondo alang sa fuel budget human gikulang sulod sa tunga-tunga na karon sa tuig.
Rason sa krisis mao ang pag-undang sa ‘fuel dealers’ sa city hall og supply tungod sa pagkatanggong sa bayad.
