GI-RELIEVE na ni Major Dennis Yuson Jr., station commander sa police station 7 o Fatima Police Station ang usa niini ka sakop nga na-assign sa usa ka container van, nga matud pa pipila na ang mireklamo sa nahisgutang pulis.
Wala na panganlan ni Yuson ang gi-relieve nga pulis apan may nadawat sila nga reklamo batok niini.
Isip matud pa station commander, may katungod kini nga magbalhin sa iyang sakop.
Samtang gibalhin og laing post, gibutyag ni Yuson nga magpahigayon matud pa sila og imbestigasyon sa reklamo batok sa maong pulis. “ Ang atoa man gud sa atoang level sa station pwede na man ta mag-reassigned o mag-relieve to designation man lang sa ilahang, sa iyang poste unya pending ang iyang investigation.”
Gihingusgan sa opisyal nga dili niini pasagdan ang reklamo tungod sunod sunod na nga nahitabo.
Una nang nakadawat og reklamo si Kapitan Renante Curit sa Barangay Fatima kalabot sa maong pulis nga wala usab mailhi niini nga matud pa tapulan morespondi, dugay momata ug moaksyon ug wala kini ga-uniporme kay makita lang nga naka-short ug naka-shirt.
Siya matud pa ang muduso sa pagpabalhin sa naasuyng pulis aron nga mapulihan og kadtong makatabang sa pagbantay sa seguridad sa barangay.
