CLEARED na ang 1,005 ka barangay nga una nang na-identify sa otoridad nga mga drug-affected barangays sa Soccksargen region.
Sa datus gikan sa Philippine Drug Enforcement Agency (PDEA) 12 gikan sa 1,096 kinatibuk-ang ihap sa rehiyon naa sa 91 na lang ang pabiling apektado sa iligal nga droga.
Matud ni Kath Abad, tigpamaba sa PDEA-12 gipaningkamotan nila karon kauban ang PNP ug LGU nga ma-cleared ang 8.30% nga barangay sa rehiyon.
Luyo niini, dugang ni Abad wala pay probinsiya nga nag-deklara og drug-cleared tungod duna pay mga barangay sa lugar ang wala pa nadeklarang drug-cleared.
Ang pulong nga “drug-cleared” ang ginagamit sa barangay nga kanhi naklasipika isip drug-affected apan mipailawom sa Barangay Clearing Program ug nadeklarang cleared sa Regional Oversight Committee on Barangay Drug Clearing.
Sa ikatulong State of the Nation Address (SONA) gahapon ni Pangulong Ferdinand Marcos Jr., gibutyag niini nga nakonhuran og 32% ang mga drug affected barangay sa nasud. I Richel Gubalani
