NAGHULAT pa ang nagduso sa ordinansa aron mahatagan og cash gift ang mga senior citizen nga magsaulog sa ilang birthday.
Segun ni Kagawad Odjok Acharon mokabat sa P24 million ang pondo nga gitagana sa syudad apan hangtud karon wala pa nahatag ang maong cash gift.
Una nang gibutyag ni Atty.Marithes Taniegra sa Executive Department sa LGU-GenSan nga wala pay IRR ug gihulat nga mahimoan aron mapatuman na ang ordinansa.
Apan butyag ni Acharon ang Executive Department ang muhimo sa IRR kung unsang procedure ang himuon tungod kung tugutan nga sila muhimo, andam usab ang Sangguniang Panlungsod.
Sunod semana imbitahan sa konsehal sa SP ang taga CSWD, Executive Department ug Office of the Senior Citizens Affairs aron masayran kung unsa na ang ilang gihimo. Gitino usab niini nga kung lingkuran lang sa Executive Department, dali lang mahuman ang IRR ug mahatag na ang mga senior citizens ang maong benepisyo.
