GISIGURO sa health authorities sa rehiyon-12 nga luwas ang pagbakuna sa mga bata edad 5 hangtud 11-anyos. Kini tungod sa pipila ka guidelines nga gidugang sa mga expert sa pediatric medicine aron masigurong luwas ang mga bata.
Ang pamahayag ang dungan sa pagpangandam sa rehiyon sa takdang pagpasugod sa vaccination rollout sa mga bata. Matud ni Dr. Arestides Concepcion Tan, samtang ginahulat ang uban pang doses sa bakuna giawhag niini ang mga LGU lakip mga ginikanan nga ilawom sa age group nga mag-andam na sa pagsugod sa vaccination.
Samtang ang ginikanan, ang ginapadala og birth certificate sa ilang anak nga pabakunahan ug pangayoon og ID aron ma-validate ang iyang relasyon sa bata. Ang Soccsksargen region sumala pa ang malampuson ang nahimong pagbakuna sa bata edad 12 – 17-anyos. I Richel Gubalani
