GIPAANDAM sa usa ka konsehal og tubag ang sakop sa General Santos City Police Office (GSCPO). Kalabut sa nasayran sa konsehal nga operasyon sa sabong sa pipila ka dagkong sabungan sa GenSan. Luyo sa wala pagpili og bag-ong mga chairperson sa mga komitiba sa Sangguniang Panlungsod (SP).
Matud ni Konsehal Jose Edmar Yumang, chairperson sa committee on games and amusement sa konseho, dunay kini video nga gihuptan. Sa pagpahigayon og sabong sa mga dagkong sabungan sa siyudad nga wala’y pagtugot gikan sa konseho.
Dili usab motuo ang konsehal nga wala’y kasayoran niini ang kapulisan ug wala man sila nasayod huyang ang ilang intelligence monitoring. “That prior to Aug 2 (committee chairmanship election) there where gallerias who conducting sabong without any concurrence from the SP, I have the video and we will present to the public, this is an illegal gambling and yet no arrest,” asoy ni Yumang.
Ang wala pag-angkon og pagtugot gikan sa konseho sa pagpahigayon og sugal ang makonsidera nga illegal gambling. Andam usab ang kapulisan ugaling magpahigayon og imbestigasyon kalabut sa maong isyu, asoy ni Lt.Col. Aldrin Gonzales, tigpamaba sa GSCPO. I Richel Gubalani
