Nagbabala ang World Health Organization na posibleng nakapasok na ang Omicron variant ng COVID-19 sa mas marami pang bansa sa buong mundo.
Ayon sa pinkahuling tala, heavily mutated na ang Omicron variant sa 77 mga bansa.
Sinabi ni WHO Chief Tedros Adhanom Ghebreyesus na posibleng hindi pa lang nadi-detect ng ibang mga bansa na mayroon nang Omicron variant sa kanilang nasasakupan.
Nangangamba naman si Ghebreyesus na na-understimate ng ilang bansa ang Omicron variant lalo na at hindi ito kasing bagsik ng mga naunang variant.
Aminado si Ghebreyesus na hindi nila inasahan ang mabilis na pagkalat ng Omicron kumpara sa ibang variant na mabilis na kumalat sa iba’t ibang bansa
