Prayoridad sa karon sang City Government ang pagpakay-o sang mga classroom sa Olotayan Integrated School agud mahatagan sang maayo nga kalidad sang edukasyon ang mga kabataan sa isla.
Suno kay Kapitan Bongbong Aninang, ang mga classroom nga ginpa-ubra amo ang para sa elementary kag high school nga dako gid ang mabulig sa mga kabataan nga makatuon sang maayo kag indi na kinahanglan magtabok sa syudad para lang maka-eskwela.
Nahibaluan, may yara naman sang senior high school sa isla kun sa diin ang mga manunudlo kag mga estudyante ang nagamantiner sang mga wasak nga classroom agud lang may masilungan samtang naga-klase. | Judy Ann Juare
