NAGA CITY- Sobra sa trabaho hanggang sa namamaga na ang mga kamay, naabuso pisikal at hindi umano mapakain ng tama; ang mga ito ang sumbong ng isang Overseas Filipino Worker mula sa Camarines Sur.
Ang sitwasyon ay naiindorso ng opisyal ng Balatan LGU sa Overseas Workers Welfare Administration (OWWA)- Naga sattellite branch noong October 2023. Kaagad naman na beneripika ang sumbong. Nagkaroon ng imbestigasyon at ngayong Hunyo 2024 nakauwi na ito ng bansa.
Paliwanag ni Bernard Bonnet, hindi oras-mismo ang pagpapauwi, nagkakaroon din ng berepikasyon kung nasa imminent threat , hindi kase aniya puwedeng basta-basta pasukin ang bahay ng amo kung wala sa “imminent danger”.
Payo ni Bonnet sa mga OFW kung hindi maayos nag trato ng pinagtrabahunan kaagad na magsumbong sa agency, may nakahanda namang tulong para sa distress worker.
