Wala na umanong aktibong guerilla fronts ang New People’s Army sa lahat ng rehiyon sa bansa.
Ito ang sinabi ni NTF-ELCAC Executive Director USec. Ernesto C Torres Jr. sa pulong balitaan kaninang umaga.
Sa kabila nito, tuloy-tuloy ang clearing efforts na gagawin ng NTF-ELCAC sa mga barangay na naimpluwenisyahan ng makakaliwang grupo sa pamamagitan ng kanilang Barangay Development Program.
Sabi ni USec. Torres, mayroon nang aprubadong 2.5 milyon na halaga ng mga development projects sa bawat benepisyaryong bgy.
Sa kabuuang mayroong 864 bgy ang tinukoy na benepisyaryo ng proyekto.
