Naghulat na lamang og commitment order gikan sa korte ang usa ka notadong kriminal nga nadakpan sa mga sakop sa Magsaysay Munisipal Police Station sa Sitio Acasia, Purok Pagkakaisa, Brgy. San Isidro, Magsaysay, Davao del Sur.
Ang akusado giila nga si Armando Sarsona Sabado Alias “Don-don”, 42-anyos minyo walay trabaho nga nagpuyo sa maong lugar kinsa giilang Top 1 Most Wanted Person (Municipal Level).
Kasong Murder nga walay piyansa ug Frustrated murder ang giatubang ni Sabado base sa gipalugwang orden de aresto nga gipalugwa ni Presiding Judge HON. Loida Posadas-Kahulugan, RTC 11, Branch 21, Bansalan, Davao del Sur nag nakapetsa niadto pang May 29, 2017.
Ang korte nibungat og P200,000.00 nga piyansa sa Frustrated murder ang akusado apan dili gihapon makagawas gumikan sa laing kasong Murder nga walay bailbond. BNFM-DAVAO
